2021-jıl 25, 26, 27-mart kúnleri shet tilin biliw hám iyelew dárejesin anıqlaw sınaqlarınıń ekinshi basqıshı, yaǵnıy «sóylew» kónlikpesin bahalaw imtixanları bolıp ótti.

Imtixanlar Tashkent qalasında Mámleketlik test orayı imaratında talabanlar menen júzbe-júz sóylesiw arqalı, Qaraqalpaqstan Respublikası hám wálayatlarda bolsa Zoom platforması arqalı ótkerildi.

Onda nemec, francuz, qıtay, koreys, yapon, túrk, parsı, pushtu hám arab tilleri boyınsha 733 talaban qatnastı.

Talabanlardıń sóylew kónlikpesin bahalaw respublikamızdıń belgili joqarı bilimlendiriw mekemelerinde hám mámleketlik emes shólkemlerde iskerlik etip atırǵan tájiriybeli qánigeler hám de xalıqaralıq ekspertler tárepinen ámelge asırıldı.

Mámleketlik test orayı xabar xızmeti