2022-jıl 18-dekabr kúni fizika hám ximiya pánlerinen milliy sertifikat ushın test sınaqları bolıp ótti.

Test sınaqları respublikamızdıń barlıq aymaqlarında shólkemlestirilip, ózbek, rus hám qaraqalpaq tillerinde ótkerildi.

Bunda jámi 3 423 talaban qatnastı. 10 talaban tártip-qaǵıydanı buzǵanı ushın test sınaǵınan shetlestirildi.

Test sınaǵınıń nátiyjesi jigirma jumıs kúni ishinde járiyalanadı hám eń joqarı balldıń keminde 60 procentin toplaǵan shaxslarǵa elektron formadaǵı sertifikat beriledi.

Sertifikatqa iye abiturienlerge JOO bakalavriatına kiriwde sertifikattaǵı procentten kelip shıqqan halda qánigelik páni boyınsha tómendegishe ball beriledi:

- 60-85 payız – maksimall ballǵa salıstırmalı túrde (proporcional) ball;

- 86 payız hám onnan joqarı – maksimall ball.

Sonday-aq, milliy sertifikatqa iye abiturientlerge tiyisli májbúriy pán boyınsha eń joqarı ball beriledi.