2022-jıl fevral ayında bolıp ótetuǵın shet tilin biliw dárejesin bahalaw test sınaqları ushın talabanlardı dizimge alıw baslandı.

Talabanlardı dizimge alıw my.dtm.uz saytı arqalı 2022-jıl 31-yanvardan 2022-jıl 10-fevralǵa shekem ámelge asırıladı.

Dizimnen ótiw waqtında talabanlar imtixan tapsırıw aymaǵı retinde Qaraqalpaqstan Respublikası, walayatlar hám Tashkent qalasınan birin tańlap, ózleri tańlaǵan aymaqta test sınaqlarında qatnasıwları múmkin.

Test sınaqları 28-fevral kúninen baslanıp, inglis, nemis, francuz, italyan, qıtay, koreys, túrk, arab, parsı, urdu hám dariy tillerinen B1, B2 hám C1 tildi biliw dárejeleri boyınsha ótkeriledi.

Test nátiyjelerine bola B2 yamasa onnan joqarı dárejedegi sertifikatqa iye abiturientlerge joqarı oqıw orınlarına kiriwde shet tili páninen imtixanlarsız belgilengen maksimal ball beriledi.

Sonday-aq, oqıw orınlarınıń C1 dárejedegi sertifikatqa iye shet tiller oqıtıwshılarına olardıń bazalıq tarif stavkasına salıstırmalı hár aylıq 50% muǵdarında qosımsha ústeme haqı tólenedi.

Esletpe: dizimnen ótken talabanlar 9-10-11-fevral kúnleri ózleri tańlaǵan test tapsırıw aymaǵındaǵı Mámleketlik test orayınıń aymaqlıq bólimine shaxsın tastıyıqlawshı hújjet penen barǵan halda barmaq izin tapsırıwı tiyis!

Mámleketlik test orayınıń málimleme xızmeti