Sohaga oid muammolarni joyida o‘rganish va hal qilish maqsadida Bilim va malakalarni baholash agentligi rahbariyati tomonidan hududlarda sayyor qabullar tashkil etilmoqda.

Navbatdagi sayyor qabul 2025-yil 18-aprel kuni Bilim va malakalarni baholash agentligi huzuridagi Ilmiy-o‘quv amaliy markazi bosh mutaxassisi Normurodov Asror Bazarovich tomonidan Farg‘ona davlat texnika universiteti 2-son akademik litseyida o‘tkazildi.

Sayyor qabulda Agentlik tomonidan o‘tkazilayotgan umumta’lim fanlarini bilish darajasini baholash milliy test tizimi bo‘yicha batafsil ma’lumotlar berildi hamda milliy sertifikat imtihonlari yuzasidan fuqarolarning murojaatlari qabul qilindi.

Sayyor qabulga tashrif buyurgan fuqarolar, o‘qituvchilar, o‘quvchilar va abituriyentlarning murojaatlariga tegishli tartibda huquqiy tushuntirish berildi. Shuningdek, ular tomonidan bildirilgan taklif va mulohazalar Agentlik faoliyatida inobatga olinishi bildirib o‘tildi.