2022-jıl 20-noyabr kúni ótkerilgen Ámir Temur atındaǵı Ózbekstan Respublikası Mámleketlik qáwipsizlik xızmeti akademiyasına talabanlardı tańlaw test sınaǵınıń nátiyjeleri jariyalandı.

Test sınaǵında qatnasqan talabanlar ózleriniń nátiyjelerin my.dtm.uz saytınıń “Mámleketlik qáwipsizlik xızmeti akademiyası” bóliminen bilip alıwları múmkin.

Ministrler Kabinetiniń 2021-jıl 27-apreldegi 241-sanlı qararı menen tastıyıqlanǵan rejege muwapıq eń joqarı balldıń keminde 30% in toplaǵan talabanlar tańlap alıw ilajlarınıń keyingi basqıshlarında qatnasıw húqıqına iye boladı.

Yaǵnıy, test sınaǵı nátiyjelerine muwapıq 74.7 hám onnan joqarı ball toplaǵan talabanlar tańlawdıń keyingi basqıshlarında qatnasıwları múmkin.