Búgin Mámleketlik test orayında jıynalıs bolıp ótti. Ministrler Kabinetiniń juwapker wákilleri hám MTO hákimshiligi, xızmetkerleri qatnasqan bul jıynalısta Ministrler Kabinetiniń 2020-jıl 1-iyuldaǵı 416-sanlı qararına muwapıq, Mámleketlik test orayı hákimshiligi quramında ózgeris bolǵanlıǵı atap ótildi hám usı qarar menen Ministrler Kabineti janındaǵı Mámleketlik test orayı direktorınıń orınbasarı etip tayınlanǵan Sardor Baxtiyorovich Radjabov qatnasıwshılarǵa tanıstırıldı.

Sardor Baxtiyorovich Radjabov Tashkenttegi xalıqaralıq vestminster universitetinde bakalavriat hám magistratura basqıshlarında bilim alǵan bolıp, 2015-jıldan berli Mámleketlik test orayında xızmet etip kelmekte. Búgingi kúnge shekem ol “Uzdunrobita”, “O‘zbekturizm” milliy kompaniyası hám Tashkent qalası hákimiyatında túrli lawazımlarda islep kelgen.

Jıynalısta S.B.Rajabovtıń jumısqa jańasha múnásibeti, kreativ qatnası, xalıqaralıq birge islesiw jolındaǵı ónimli iskerligi, Mámleketlik test orayı tárepinen keleshekte xalqımız ushın joqarı bilimlendiriw mekemeleriniń bakalavriat bilimlendiriw baǵdarlarına kiriw test sınawlarına tiyisli jeńillikler jaratıw boyınsha zamanagóy, aktual hám júdá áhmiyetli usınısları hám de usı baǵdarda is alıp barıp atırǵanı aytıldı.

Ministrler Kabinetiniń juwapker wákilleri hám Mámleketlik test orayı hákimshiligi S.B.Rajabovga jańa hám sonıń menen birge oǵada juwapkershilikli jumısına tabıslar tiledi.

Mámleketlik test orayı xabar xızmeti