2022/2023-oqıw jılında Ámir Temur atındaǵı Mámleketlik qáwipsizlik xızmeti akademiyasına talabanlardı tańlaw ushın test sınaqları 2021-jıl 18-noyabr kúni ótkeriledi.

Bunda test sınaqları Qaraqalpaqstan Respublikası hám wálayatlarda 1 smenada, Tashkent qalasında 2 smenada bolıp ótedi:

• 1-smena 09:00 den 12:00 ge shekem;
• 2-smena 14:30 dan 17:30 ge shekem.

Test sınaqları ana tili (ózbek, rus, qaraqalpaq), matematika, Ózbekistan tariyxı hám shet tili pánlerinen ótkeriledi.

Bunda talabanlarǵa jámi 90 test tapsırması hám olardı islew ushın juwaplar betin toltırıw menen birge 3 saat (hár 30 test tapsırmasına 1 saat) waqıt ajıratıladı.

Test sınaqlarında toplaw múmkin bolǵan maksimal ball – 246 ball bolıp, pánler boyınsha tómendegishe bólinedi:

• ana tili – 15 test tapsırması, hár bir durıs juwap ushın 2,1 balldan (jámi 31,5 ball);
• matematika – 15 test tapsırması, hár bir durıs juwap ushın 2,1 balldan (jámi 31,5 ball);
• Ózbekistan tariyxı – 30 test tapsırması, hár bir durıs juwap ushın 3,1 balldan (jámi 93 ball);
• shet tili – 30 test tapsırması, hár bir durıs juwap ushın 3,1 balldan (jami 93 ball).

Talabanlar test sınaǵında qatnasıw ushın ruxsatnamanı Mámleketlik test orayınıń dxx.dtm.uz saytınan onlayn tárizde júklep alıwları múmkin.

Talabanlar test sınaǵı ótkeriletuǵın aymaqqa belgilengen waqıttan keshikpesten shaxsın tastıyıqlawshı hújjet hám test sınaǵında qatnasıw ushın ruxsatnama menen keliwleri tiyis.

Mámleketlik test orayınıń málimleme xızmeti