2023-2024-oqıw jılında Ámir Temur atındaǵı Ózbekstan Respublikası Mámleketlik qáwipsizlik akademiyası bakalavriat tálim baǵdarı kúndizgi tálim forması boyınsha talabanlardı tańlap alıw ushın dizimge alıw baslandı.

Mámleketlik qáwipsizlik akademiyasına tańlaw test sınaqlarında qatnasıwdı qálewshi talabanlar my.dtm.uz saytı arqalı usı jıldıń 10-noyabrine shekem onlayn dizimnen ótiwleri múmkin.

Talabanlardı tańlap alıw Ministrler Kabinetiniń 2021-jıl 27-apreldegi 241-sanlı qararına muwapıq ámelge asırıladı hám talabanlar usı qarar menen tastıyıqlanǵan rejeniń 3-bántinde belgilengen talaplarǵa juwap beriwi lazım.

Esletpe: my.dtm.uz saytınıń “Davlat xavfsizlik xizmati akademiyasi” bóliminde dizimnen ótiw tártibi haqqında kórsetpe hám talabanlardıń tańlaw test sınaqları boyınsha maǵlıwmatlar keltirilgen.

Mámleketlik test orayınıń málimleme xızmeti