Davlat test markazida 2019-yil 27-sentabr kuni “Tadbirlar kuni” bo‘lib o‘tadi. Tadbirlar kunida Davlat test markazi Hay’atining (soat 11:00 da) va Davlat test markazi Jamoatchilik kengashining (soat 15:00 da) yig‘ilishlari o‘tkazilishi rejalashtirildi.

Yig‘ilishlarning kun tartiblarida faoliyatga oid dolzarb masalalar o‘rin olgan. Xususan:

Davlat test markazi Hay’atining yig‘ilishida respublika oliy ta’lim muassasalarining bakalavriatiga qabul uchun o‘tkaziladigan test sinovlariga oid bir necha normativ va me’yoriy-huquqiy asoslarni takomillashtirish bo‘yicha to‘plangan taklif va tavsiyalar tahlili, olib borilgan ishlar holati;

shuningdek, Jamoatchilik kengashi yig‘ilishida Davlat test markazida “Korrupsiyasiz muhit sari” shiori ostida amalga oshirilayotgan ishlar va “Test sinovlarida shaffoflik ta’minlandimi?” mavzucida jamoatchilik orasida o‘tkazilgan so‘rovnoma tahlili, 2019/2020 o‘quv yilida oliy ta’lim muassasalarining bakalavriatiga kirish uchun o‘tkazilgan test sinovlari bo‘yicha raqamli tahlil va xulosalar, faoliyatni ommaviy axborot vositalarida yoritish (ochiqlikni ta’minlash) holati ko‘rib chiqilishi belgilangan.

Tadbirga ommaviy axborot vositalari vakillari taklif etiladi.

Axborot xizmati