Mámleketlik test orayınıń unamlı imidjin jaratıw, jámiyetshilik arasında ol haqqında jeterli ashıq maǵlıwmatlar usınıw hám gónergen stereotipti jeńip ótiw barlıq waqitta da ańsat bolmaǵan.

Usılardı esapqa alıp, 17-dekabr kúni barlıq túrdegi ǵalaba xabar quralları wákilleri, jurnalistler hám blogerler mirát etilip, Mámleketlik test orayı xızmeti tariyxında birinshi ret press-tur (ashıq sayaxat) shólkemlestirildi.

Press-tur dawamında jurnalistler hám blogerler basqarmalar, bólim xızmeti, sonday-aq, máwsimlik arnawlı jabıq rejim xızmeti menen ashıq hám tolıq tanısıp shıqtı hám ózlerin qızıqtırǵan sorawlarǵa tolıq juwaplar aldı. Olarǵa qálegen temada jeterli dárejede tekstli, audio, foto hám video materiallar tayarlaw imkaniyatı jaratıldı.

Ilaj juwmaǵında ǵalaba xabar quralları menen birge islesiwdi jáne de bekkemlewge, birlemshi, isenimli materiallar hám maǵlıwmatlardı Mámleketlik test orayınan alıwǵa kelisip alındı.

Mámleketlik test orayı xabar xızmeti