Mámleketlik test orayınıń 7 xızmetkeri usı jıldıń noyabr-dekabr aylarında Ullı Britaniyanıń Noridj tilde úyretiw institutında (NILE – Norwich Institute for Language Education) ótkerilgen “Testologiya hám bahalaw” (Testing and assessment) boyınsha tájiriybe arttırıw kursında qatnastı.

Kurs sheńberinde qatnasıwshılarǵa testologiya hám kónlikpelerdi bahalaw boyınsha ámeliy shınıǵıwlar ótkerildi.

Tájiriybe arttırıw shınıǵıwları tájiriybeli qánigeler Tom Kidl (Thom Kiddle), Alan Pulvines (Alan Pulvernes), Deyv Alen (Dave Allan) hám Toni Prins (Tony Prince)ler tárepinen alıp barıldı.

Bul tájiriybe arttırıw kursında alınǵan tájiriybeler Mámleketlik test orayı tárepinen ótkeriletuǵın test sınawların jetilistiriwge hám test tapsırmaları sapasın jáne de arttırıwǵa xızmet etedi.

Mámleketlik test orayı xabar xızmeti