Xalıqaralıq imtixan sistemaların respublikamızda engiziw arqalı jaslarǵa Ózbekstannıń ózinde xalıqaralıq imtixanlardı tapsırıw hám xalıqaralıq sertifikatlarǵa iye bolıw imkaniyatın jaratıw maqsetinde Mámleketlik test orayı xalıqaralıq shólkemler menen birge islesiwdi jolǵa qoymaqta.

Test sorawların dúziw hám test sınaqların ótkeriw boyınsha dúnyadaǵı eń iri shólkemlerden biri bolǵan AQSHtıń Educational Testing Service (ETS) hám Mámleketlik test orayı ortasında ETS imtixanların birgelikte ótkeriw boyınsha kelisimge qol qoyıldı.

Usı kelisimge muwapıq Mámleketlik test orayı ETS Global shólkeminiń barlıq talaplarına juwap bergen halda “TOEFL ITP Level 1 & 2 Digital Test” hám TOEIC (Listening, Reading, Speaking, Writing) imtixanların shólkemlestiriw hám ótkeriw huqıqın qolǵa kirgizdi.

Mámleketlik test orayı tárepinen ótkeriletuǵın “TOEFL ITP Level 1 & 2 Digital Test” hám TOEIC (Listening, Reading, Speaking, Writing) imtixanları xalıqaralıq kólemde tán alınadı hám de imtixannan tabıslı ótken talabanlarǵa ETS shólkeminiń xalıqaralıq sertifikatı beriledi.

Mámleketlik test orayı xabar xızmeti