2022-jıl 11-17-fevral kúnleri shet tiller oqıtıwshılarınıń bazalıq lawazım is haqılarına aylıq ústeme belgilew test sınaqlarınıń ekinshi basqıshı, yaǵnıy sóylew kónlikpesin bahalaw imtixanları bolıp ótti.

Imtixanlar barlıq aymaqlarda Mámleketlik test orayı tárepinen arnawlı islep shıǵılǵan dástúr arqalı onlayn túrde ótkerildi.

Imtixanda inglis, nemis, francuz, ispan, italyan, qıtay, koreys, yapon, hind, túrk, arab hám parsı tilleri boyınsha shet tiller oqıtıwshıları qatnastı.

Imtixanlardan tabıslı ótken oqıtıwshılarǵa tiyisli maǵlıwmatnama beriledi.

Usı maǵlıwmatnamaǵa iye bolǵan hám belgilengen talaplardı orınlaǵan oqıtıwshılardıń bazalıq lawazım is haqısına 15% yamasa 30% muǵdarında ústeme belgilenedi.

Test sınaqlarınıń nátiyjesi boyınsha berilgen maǵlıwmatnama 3 jıl múddetke ámel etedi.