2021-jıl 19, 20-yanvar kúnleri shet tilleri oqıtıwshılarınıń bazalıq lawazım is haqılarına aylıq ústeme belgilew test sınaqlarınıń ekinshi basqıshı, yaǵnıy “Sóylew” kónlikpesin bahalaw imtixanları bolıp ótti.

Imtixanlar Tashkent qalasında Mámleketlik test orayı binasında talabanlar menen júzbe-júz sóylesken halda, Qaraqalpaqstan Respublikası hám wálayatlarda Zoom platforması arqalı ótkerildi.

Imtixanda inglis, nemec, francuz, parsı, túrk, koreys, qıtay hám yapon tilleri boyınsha shet tilleri oqıtıwshıları qatnastı.

Shet tilleri oqıtıwshılarınıń bazalıq lawazım is haqılarına aylıq ústeme belgilew test sınaqlarınan tabıslı ótken oqıtıwshılarǵa tiyisli maǵlıwmatnama beriledi.

Usı maǵlıwmatnamaǵa iye bolǵan hám belgilengen talaplardı orınlaǵan oqıtıwshılardıń bazalıq lawazım is haqılarına 15 % yaki 30 % muǵdarında ústeme belgilenedi.

Test sınaqlarınıń unamlı nátiyjesi 3 jıl múddetke ámel etedi

Mámleketlik test orayı xabar xızmeti