Oktyabr ayında Mámleketlik test orayı tárepinen “Shet tilin biliw hám iyelew dárejesin anıqlaw test sınawları” boyınsha talabanlardıń pikirlerin úyreniw maqsetinde sorawnama ótkerilgen edi.

Sorawnama nátiyjeleri kópshilik talabanlardıń shet tilin biliw hám iyelew dárejesin anıqlaw test sınawların ózleri jasaytuǵın aymaqta tapsırıwdı qáleytuǵınlıǵın kórsetti. 

Sol sebepli Mámleketlik test orayı talabanlar hám olardıń ata-analarına qolaylılıq jaratıw maqsetinde 2021-jıl yanvar ayında bolıp ótetuǵın test sınawların wálayatlarda hám Qaraqalpaqstan Respublikasında ótkeriwdi jobalastırmaqta.

Bunda talabanlar dizimnen ótiw barısında test tapsırıw aymaǵın ózleri tańlawı múmkin.

Dizimge alıw Mámleketlik test orayınıń rásmiy veb-saytı arqalı (https://dtm.uz/page/cefr) ámelge asırılmaqta.

Yanvar ayı ushın onlayn dizimnen ótken hám test sınawı ushın tólemdi ámelge asırǵan talabanlardan hújjetler 2021-jıl 4-8-yanvar kúnleri Mámleketlik test orayı hám onıń aymaqlıq bólimleri arqalı qabıllanadı.

Test sınawları talabanlardıń sanınan kelip shıǵıp 2021-jıl 21-30-yanvar aralıǵında ótkeriledi.

Mámleketlik test orayı xabar xızmeti