2020-jıl 7-iyul kúni shet tilin biliw hám iyelew dárejesin anıqlaw test sınawlarınıń jazba (tıńlap túsiniw, oqıw, leksikalıq hám grammatikalıq kompetenciyalar, jazba jumıs) bólimi baslandı.

Test sınawları tolıq sanitariya-gigiyenalıq talaplarǵa ámel etilgen jaǵdayında ótkerilmekte. Sonnan:

• test sınawı ótkeriletuǵın imaratlar dezinfekciya qılındı;
• talabanlar dezinfekciyalaw jolı arqalı kiritildi;
• olardıń dene temperaturası 2 márte ólshendi;
• antiseptik quralları menen qollar dezinfekciya qılındı;
• hárbir talabanǵa jańa nıqap hám qolǵap berildi;
• talabanlar arasında jeterli aralıq saqlanǵan jaǵdayında, hárbir talabanǵa 3 metr kvadrattan kem bolmaǵan orın ajıratıldı.

Test sınawları elimizdegi epidemiologiyalıq jaǵdaydan kelip shıqqan halda Qaraqalpaqstan Respublikası, wálayatlar hám Tashkent qalasında bolıp ótpekte.

Mámleketlik test orayı xabar xızmeti