Kópshilik talabanlardıń múrájatlarına tiykarlanıp shet tilin biliw hám iyelew dárejesin bahalaw imtixanların iyun ayında da shólkemlestiriw belgilendi.

Bunda imtixanlar inglis, nemec hám francuz tillerinen B2 tildi biliw dárejesi boyınsha ótkeriledi.

Talabanlardı dizimge alıw my.dtm.uz saytı arqalı 7-iyunǵa shekem dawam etedi.

Hújjetler bolsa 1-iyunnan 7-iyunǵa shekem qabıllanadı.

Dizimnen ótiw waqtında talabanlar imtixan tapsırıw aymaǵı sıpatında Qaraqalpaqstan Respublikası, wálayatlar hám Tashkent qalasınan birin tańlap, ózleri tańlaǵan aymaqta test sınaqlarında qatnasıwı múmkin.

Dizimnen ótiw boyınsha kórsetpe menen bul jerde tanısıw múmkin.

Esletip ótemiz, iyun ayında ótkeriletuǵın shet tilin biliw hám iyelew dárejesin anıqlaw test sınaqları 2021-jıldıń 1-yarım jıllıǵı ushın aqırǵısı bolıp, bul imtixanlar 2021-2022-oqıw jılı ushın joqarı bilimlendiriw mákemeleriniń bakalavriat bilim baǵdarlarına kiriw test sınaqlarınan soń dawam ettiriledi.

Mámleketlik test orayı xabar xızmeti