2024-jıl 22-sentyabr kúni shet tilin biliw dárejesin anıqlaw test sınaqlarınıń jazba (tıńlap túsiniw, oqıw, jazba jumıs) bólimi bolıp ótti.

Test sınaqlarında talabanlarǵa qolay bolıwı ushın Qaraqalpaqstan Respublikası, wálayatlar hám Tashkent qalasında shólkemlestirildi.

Onda jámi 9,5 mıńnan aslam talaban qatnastı hám 12 talaban tártip-qaǵıydanı buzǵanı ushın test sınaǵınan shetletildi.

Test sınaqlarında qatnasqan talabanlar ushın sóylew kónlikpesin bahalaw imtixanları 23 – 27-sentyabr, 2 – 4-oktyabr kúnleri bolıp ótedi.

Túsindirme: test sınaǵı nátiyjeleri Ministrler Kabinetiniń qararına muwapıq imtixanlar tolıq juwmaqlanǵannan soń bir háptede daǵazalanadı.