2022-jıl mart, aprel, may hám iyun aylarında bolıp ótetuǵın shet tilin biliw dárejesin anıqlaw test sınaqları ushın talabanlardı dizimge alıw baslandı.

Talabanlardı dizimge alıw Ministrler Kabinetiniń 2022-jıl 16-fevraldaǵı 73-sanlı qararına muwapıq  my.gov.uz saytı arqalı ámelge asırıladı. (my.gov.uz/oz/service/559).

Dizimnen ótiw waqtında talabanlar imtixan tapsırıw aymaǵı sıpatında Qaraqalpaqstan Respublikası, wálayatlar hám Tashkent qalasınan birin tańlap, ózleri tańlaǵan aymaqta test sınaqlarında qatnasıwı múmkin.

Test sınaqları qaysı tillerden ótkeriliwi, onlayn dizimge alıw múddetleri hám test sınaqları ótkeriletuǵın sáneler tómendegi súwrette kórsetilgen.