Shet tilin biliw dárejesin anıqlaw boyınsha dekabr ayınıń birinshi yarmında bolıp ótetuǵın test sınaǵınıń sáneleri jariyalandı.

Oǵan muwapıq test sınaǵınıń jazba bólimi 11-12-dekabr kúnleri, sóylew kónlikpesin bahalaw imtixanları bolsa 14-16- hám 19-20-dekabr kúnleri ótkeriledi.

Test sınaqları barlıq aymaqlarda, yaǵnıy Qaraqalpaqstan Respublikası, wálayatlar hám Tashkent qalasında shólkemlestiriledi.

Talabanlar imtixan ornı, kúni hám anıq waqtın my.gov.uz saytı arqalı “Meniń arzalarım” bóliminen bilip alıwları hám ruxsatnamasın júklep alıwları múmkin.

Talabanlardan test sınaǵı ótkeriletuǵın aymaqqa belgilengen waqıttan keminde yarım saat aldın shaxsın tastıyıqlawshı hújjet hám ruxsatnaması menen keliwleri soraladı.

Test sınaǵı ótkeriletuǵın orınlar hám olardıń geolokaciyaları: https://telegra.ph/Chet-tili-12-07