Ministrler Kabinetiniń 2022-jıl 16-fevraldaǵı 73-sanlı qararına muwapıq shet tili imtixanınıń nátiyjesinen narazı bolǵan talabanlar apellyaciya arzasın beriwleri múmkin.

Sonday-aq, usı qararda apellyaciya arzası talaban tárepinen Birden-bir interaktiv mámleketlik xızmetleri portal arqalı electron formada toltırılıwı belgilengen.

Yaǵnıy shet tili imtixanınıń nátiyjeleri boyınsha apellyaciya beriw my.gov.uz saytı arqalı ámelge asırıladı (my.gov.uz/oz/service/564).

Talaban test nátiyjesi boyınsha apellyaciya arzasın test nátiyjeleri daǵazalanǵan kúnnen baslap 3 jumıs kúni ishinde beriwi múmkin.

Apellyaciya arzası Apellyaciya komissiyası tárepinen 2 hápte dawamında kórip shıǵıladı hám talaban Apellyaciya komissiyası qararı haqqında my.gov.uz saytı arqalı xabardar etiledi.

Mámleketlik test orayınıń málimleme xızmeti