Mámleketlik test orayı tárepinen jaslardıń shet tilin úyreniwge bolǵan qızıǵıwshılıǵın arttırıw hám eń bilimlilerin múnásip sıylıqlaw maqsetinde tańlaw ótkerilip, 20-aprel kúni tańlaw jeńimpazları járiyalanǵan edi.

Onda B1, B2 hám C1 tildi biliw dárejeleriniń hárbiri boyınsha eń joqarı ball toplaǵan tómendegi 3 talaban jeńimpaz dep tabılǵan edi:

• B1 tildi biliw dárejeleri boyınsha U.H.Mukumov (Buxara wálayatı);
• B2 tildi biliw dárejeleri boyınsha B.M.Muxtorov (Ándijan wálayatı);
• C1 tildi biliw dárejeleri boyınsha J.N.Nurmetov (Xorezm wálayatı).

Mámleketlik test orayı hákimshiliginiń Qaraqalpaqstan Respublikası hám wálayatlarǵa saparı dawamında tańlaw jeńimpazları menen ushırasıldı hám olardıń bárshesi planshet hám basqa estelik sawǵaları menen sıylıqlandı.

Mámleketlik test orayı tańlaw jeńimpazların jáne bir mártebe qutlıqlaydı hám olarǵa tabıslar tileydi!

Mámleketlik test orayı xabar xızmeti