2021-jıl 23-iyun kúni Mámleketlik test orayında Cambridge Assessment shólkemi menen óz ara birge islesiwdi kúsheyttiriw boyınsha ushırasıw bolıp ótti.

Ushırasıwda Mámleketlik test orayı direktorı Madjit Karimov, direktor orınbasarı Sardor Radjabov, Shet tilin biliw hám iyelew dárejesin bahalaw basqarması baslıǵı Javlon Nurmatov, basqarma qánigelerinen Nasimbek Lutfiyev hám de Cambridge Assessment shólkemi wákilleri Stephen King hám Natalia Carikova qatnastı.

Jıynalısta Stephen King Mámleketlik test orayı hám Cambridge Assessment shólkemi arasındaǵı birge islesiw tariyxına toqtalıp, usı kúnge shekem birgelikte islengen jumıslar kólemi teńsiz ekeni, ásirese, inglis tili hám matematika páni boyınsha ekspertler ushın ótkerilgen seminar trening hám de 2019, 2021-jıllardaǵı Prezident mekteplerine tańlaw imtixanlarındaǵı birge islesiwge ayırıqsha itibar qarattı.

Sonday-aq, Mámleketlik test orayı tárepinen bahalaw tarawına kúshli itibar qaratılıp atırǵanlıǵı júdá áhmiyetli ekenligin aytıp, Cambridge Assessment shólkemi tárepinen usı jıldıń ózinde hárbir pán boyınsha sapa baqlawın jańa basqıshqa alıp shıǵıw jobalastırılǵanlıǵın hám bul birge islesiwdiń jáne de bekkemleniwine xızmet etiwin atap ótti.

Mámleketlik test orayı direktorı Madjit Malikovich test tapsırmalarınıń sapasın jáne de joqarılatıw maqsetinde pán ekspertleriniń tájiriybesin arttırıw, bilim hám kónlikpeler almasıw hám de basqa birge islesiw baǵdarları haqqında toqtalıp, kelesi jıllarda Mámleketlik test orayı qánigelerin Cambridge Assessment shólkemine tájiriybe arttırıw ushın jiberiw jobalastırılıp atırǵanlıǵın aytıp ótti.  

Bunnan soń, Mámleketlik test orayı direktor orınbasarı Sardor Radjabov bir neshe jıllardan berli Cambridge Assessment shólkemi menen baylanıslar jolǵa qoyılǵanlıǵın aytıp, keleshekte bahalaw tarawında ámelge asırılıwı jobalastırılıp atırǵan wazıypalar haqqında pikir bildirdi.

Mámleketlik test orayı xabar xızmeti