Ózbekstan Respublikası oqıw orınlarına oqıwǵa qabıl qılıw boyınsha Mámleketlik komissiyasınıń 9-sanlı protokolı menen 2021-2022-oqıw jılı ushın Ózbekstan mámleketlik konservatoriyası janındaǵı Botir Zokirov atındaǵı milliy estrada sanaatı institutına qabıllaw parametrleri tálim baǵdarları (qánigelikler) hám oqıtıw tilleri boyınsha tastıyıqlandı.

Usı protokolǵa muwapıq Botir Zokirov atındaǵı Milliy estrada sanaat institutınıń bakalavriat tálim baǵdarlarına abiturientlerdi onlayn dizimge alıw baslandı.

Dizimge alıw Mámleketlik test orayınıń my.dtm.uz saytı arqalı ámelge asırılmaqta hám 16-noyabr kúnine shekem dawam etedi.

Abiturientler ushın kásiplik (dóretiwshilik) imtixanları Mádeniyat ministrligi tárepinen 18-24-noyabr kúnleri, test sınaqları bolsa Mámleketlik test orayı tárepinen 26-27-noyabr kúnleri ótkeriledi.

Mámleketlik test orayınıń málimleme xızmeti