Mámleketlik komissiyasınıń 7-sanlı protokolı menen Rossiya Federaciyasınıń (Ukraina menen shegaralas) Kursk, Bryansk, Belgorod, Voronej, Rostov hám Krasnodar aymaqlarındaǵı joqarı oqıw orınlarında bilim alıp atırǵan Ózbekstan Respublikası puqaralarınıń oqıwın Ózbekstandaǵı mámleketlik joqarı oqıw orınlarına imkániyat beriw maqsetinde kóshiriwge ruxsat berildi.
Oǵan bolı:
- talabanlardıń oqıwı olardıń arzalarına muwapıq turaqlı jasaw mánzili aymaǵında jaylasqan joqarı oqıw orınlarınıń sáykes tálim baǵdarlarına kóshiriledi;
- oqıwdı kóshiriw boyınsha arzalar 2022-jıl 1-noyaberden 20-noyabrge shekem (sol kúnide) Mámleketlik test orayınıń my.dtm.uz (“Rossiya Federaciyasınan oqıwdı kóshiriw” bólimi) arqalı qabıl etiledi;
- studentlerdiń haqıyqattanda qanday bir joqarı oqıw orınlarında bilim alıp atırǵanlıǵın tekseriw 2022-jıl 25-noyabrden 15-dekabrge shekem Sırtqı isler ministrligi tárepinen ámelge asırıladı;
- studentlerdiń oqıwın kóshiriwge ruxsat beriw boyınsha respublika joqarı oqıw orınlarınıń boysınıwına qaramastan Joqarı hám orta arnawlı bilimlendiriw ministrligi tárepinen qabıl etiledi;
- puqaralardıń Rossiya Federaciyasandaǵı belgili bir joqarı oqıw orınlarında haqıyqattanda oqıp atırǵanlıǵı anıqlanbasa olardıń oqıwı kóshirilmeydi;
- oqıwı kóshirilgen talabanlardıń sáykes kurstan dawam ettiriwine ruxsat beriledi. Bunda anıqlanǵan pánler parqı 2022-2023-oqıw jılında dawamında biypul tapsırıladı.
