Aprel ayında ótkeriletuǵın shet tilin biliw hám iyelew dárejesin anıqlaw test sınaqları ushın dizimnen ótiw baslandı.

Talabanlardı dizimge alıw my.dtm.uz saytı (Mámleketlik test orayınıń interaktiv xızmetler portalı) arqalı ámelge asırılmaqta.

Dizimnen ótiw waqtında talabanlar imtixan tapsırıw aymaǵı sıpatında Qaraqalpaqstan Respublikası, wálayatlar hám Tashkent qalasınan birin tańlap, ózleri tańlaǵan aymaqta test sınaqlarında qatnasıwı múmkin.

Aprel ayında ótkeriletuǵın shet tilin biliw hám iyelew dárejesin anıqlaw test sınaqları inglis, nemec hám francuz tillerinen bolıp ótedi.

Test sınaqlarınıń juwmaqları boyınsha eń joqarı baldıń keminde 60 payızın toplaǵan shaxslar 2 jıl múddetke ámel etetuǵın sertifikatqa iye boladı.

Tildi biliw dárejesi B2 yaki onnan joqarı bolǵan sertifikatqa iye abiturientlerge joqarı bilimlendiriw mekemelerine kiriwde shet tili páninen imtixanlarsız belgilengen maksimal ball beriledi.

Dizimnen ótiw boyınsha kórsetpe menen bul jerde tanısıw múmkin.  

Mámleketlik test orayı xabar xızmeti