2021-jıl 1-aprel kúni Mámleketlik test orayı hám onıń aymaqlıq bólimlerinde shet tilin biliw hám iyelew dárejesin anıqlaw test sınaqları ushın talabanlardıń hújjetlerin qabıllaw baslanǵan bolıp, 9-aprel kúnine shekem dawam etiwi belgilengen edi.

Talabanlardıń múrájatlarına tiykarlanıp, hújjetlerdi qabıllaw 13-aprel kúnine shekem (13-aprel kúni de) uzayttırıldı.

Test sınaqları bolsa 27-aprel kúni baslanadı.

Talabanlar dizimnen ótiw hám hújjetlerdi tapsırıw boyınsha kórsetpe menen bul jerde tanısıwı múmkin.

Esletip ótemiz, aprel ayında ótkeriletuǵın shet tilin biliw hám iyelew dárejesin anıqlaw test sınaqları 2021-jıldıń 1-yarım jıllıǵı ushın sońǵısı bolıp, bul imtixanlar 2021-2022-oqıw jılı ushın joqarı bilimlendiriw mekemeleriniń bakalavriat bilim baǵdarlarına kiriw test sınaqlarınan soń dawam ettiriledi.

Mámleketlik test orayı xabar xızmeti