Abiturientlerdi onlayn dizimge alıw sisteması (abitur.dtm.uz saytı)na “Akkaunttı óshiriw” funkciyası qosıldı. 

Usı funkciya “Jeke maǵlıwmatlar” bóliminde jaylasqan. 

Akkaunttı óshiriw ushın tómendegi basqıshlardı orınlaw lazım: 

• 1-basqısh: Parol kiritiledi hám akkaunttı óshiriw túymesi basıladı. 
• 2-basqısh: Telefon nomerine kelgen SMS kod kiritilip, tastıyıqlanadı.

Usı basqıshlar orınlanǵannan soń akkaunt tolıq óshirilip jiberilgen esaplanadı.

Akkaunt óshirilgende:

• Paydalanıwshınıń bárshe maǵlıwmatları sistemadan óshiriledi;  
• Abiturient 2020-2021-oqıw jılı ushın kiriw imtixanlarina qatnasıw huqıqın joytadı.

Akkaunttı óshirgen abiturientler 20-iyulǵa  shekem qayta dizimnen ótiwi múmkin.

Sonday-aq, abiturientler imtiyazların nadurıs kirgizip qoysa, imtiyazlar bólimine kirip, óz imtiyazların óshiriwi yáki ózgertiwi múmkin.

Esletip ótemiz, abiturientler dizimnen ótiw múddeti juwamaqlanǵan (20-iyul)ǵa shekem turaqlı jasaw mánzilin, tamamlaǵan oqıw ornın, imtiyazların hám tańlaǵan bilimlendiriw baǵdarların ózgertiw imkaniyatına iye. 

Mámleketlik test orayı xabar xızmeti