2021-jıl 25-mart kúni respublikadaǵı akademiyalıq liceylerdiń pitkeriwshi basqısh oqıwshılarınıń shet tilin biliw dárejesin anıqlaw imtixanları baslandı.

Test sınaqlarınıń jazba (tıńlap túsiniw, oqıw, leksikalıq hám grammatikalıq kompetenciyalar, jazba jumıs) bólimi 25, 26, 27-mart kúnleri eki smenada shólkemlestiriledi. Imtixanlar Mámleketlik test orayı hám akademiyalıq licey imaratlarında ótkeriledi.

Bunda 1-smena 09:00 de, 2-smena 14:00 de baslanadı. Talabanlar test sınaǵı ótkeriletuǵın orınǵa test sınaǵı baslanıwınan keminde yarım saat aldın shaxsın tastıyıqlawshı hújjet – passport (ID-karta) penen keliwi kerek.

Sóylew kónlikpesin bahalaw imtixanları bolsa aprel ayında ótkeriledi.

Respublikadaǵı akademiyalıq liceylerdiń pitkeriwshi basqısh oqıwshılarınıń shet tilin biliw dárejesin anıqlaw imtixanları Ózbekstan Respublikası Prezidentiniń “Intalı jaslardı tańlap alıw sisteması hám akademiyalıq liceylerdiń iskerligin jetilistiriw is ilajları haqqında” 2020-jıl 3-dekabrdegi PQ-4910 qararına tiykarlanıp biypul tárizde shólkemlestirilmekte.

Mámleketlik test orayı xabar xızmeti