Mart hám aprel aylarında dáslepki ret respublika akademiyalıq liceylerdiń pitkeriwshi basqısh oqıwshılarınıń shet tilin biliw dárejesin anıqlaw imtixanları shólkemlestirilgenligi belgili.

Imtixanlar Ózbekstan Respublikası Prezidentiniń 2020-jıl 3-dekabrdegi PQ-4910 qararına tiykarlanıp Mámleketlik test orayı tárepinen biypul tárizde ótkerildi.

Bunda test sınaqlarınıń jazba (tıńlap túsiniw, oqıw,  leksikalıq hám grammatikalıq kompetenciyalar, jazba jumıs) bólegi 25-marttan 27-martqa shekem, sóylew kónlikpesin bahalaw imtixanları bolsa 15-aprelden 24-aprelge shekem bolıp ótti.

Bul imtixan nátiyjeleri esaplanıp, 2021-jıl 5-may kúni akademiyalıq liceylerge jiberiledi.

Test sınaǵında qatnasqan talabanlar imtixan nátiyjelerin ózleri bilim alıp atırǵan akademiyalıq liceyden biliw múmkin ekenligin málim etemiz.

Test sınaǵınan tabıslı ótken talabanlar óz sertifikatların 17-may kúninen baslap Mámleketlik test orayı hám onıń aymaqlıq bólimlerinen alıwı múmkin.

Mámleketlik test orayı xabar xızmeti