«2022-2023-oqıw jılında Ózbekstan Respublikasınıń joqarı oqıw orınlarına qabıl qılıwdıń mámleketlik buyırtpası parametrleri haqqında»ǵı qarar joybarında abiturientlerge bir waqıttıń ózinde barlıq tálim formaları boyınsha tańlaw imkaniyatın jaratıw kózde tutılmaqta.

Qarar joybarında belgileniwinshe, 2022-2023-oqıw jılınan baslap:

• finanslıq hám akademiyalıq erkinlik berilgen joqarı oqıw orınlarınıń tólemli-shártnama tiykarında qabıllaw parametrleri Baqlaw keńesleri tárepinen erkin belgilenedi;
• mámleketlik joqarı oqıw orınlarınıń magistratura basqıshında tálim alıwshı hayal-qızlardıń tólem-shártnama qárejetleri tolıq Mámleketlik byudjet qárejetleri esabınan qaplap beriledi;
• abiturientlerdi onlayn dizimnen ótkeriw 15-iyunnan 15-iyulǵa shekemgi (15-iyul kúni de) bolǵan múddette Birden bir interaktiv mámleketlik xızmetler portalı hám de Mámleketlik test orayınıń rásmiy veb saytı arqalı ámelge asırıladı;
• bunda, shet tili pańinen kásiplik (dóretiwshilik) imtixan ótkeriletuǵın oqıw orınlarına onlayn dizimnen ótiw 15-iyunnan 5-iyulǵa shekem (5-iyul kúni de) ámelge asırıladı;
• test sınaǵı tarsırılatuǵın pánler kompleki hám pánler izbe-izligi birdey bolǵan beske shekemgi bakalavriat tálim baǵdarların hám bir waqıttıń ózinde barlıq tálim formaların tańlaw imkaniyatı jaratıladı.