Ózbekstan Respublikası Prezidentiniń “2021-2022-oqıw jılında Ózbekstan Respublikasınıń joqarı bilimlendiriw mákemelerine oqıwǵa qabıllawdıń mámleketlik buyırtpası parametrleri haqqında”ǵı qararına muwapıq:

2021-2022-oqıw jılı qabıllawında abiturientlerge test sınaǵı tapsırılatuǵın pánler jıynaǵı hám de pánler izbe-izligi birdey bolǵan besewge shekem bakalavriat bilim baǵdarı boyınsha tańlawda qatnasıw huqıqı beriledi.

Abiturientlerge dizimnen ótiw barısında tańlaǵan bakalavriat bilim baǵdarları ústilgine qarap dáslep mámleketlik grantı, keyin tólew-kontrakt tiykarında tańlawda qatnasıw boyınsha qosımsha imkaniyat beriledi.

Bunıń ushın abiturientlerge onlayn dizimnen ótiw waqtında tańlaw ushın ústinlik sıpatında “mámleketlik grantı” yaki “mámleketlik grantı hám tólew-kontrakt”ten birin tańlaw imkaniyatı jaratıladı.

Bunda abiturient ústinlik sıpatında:

• Mámleketlik grantın tańlasa – dáslep mámleketlik grantı, soń tólew-kontrakt tiykarında;
• Mámleketlik grantı hám tólew-kontraktti tańlasa – aldınǵı jıllardaǵı kibi mámleketlik grantı hám tólew-kontrakt tiykarında tańlaǵan bilim baǵdarları boyınsha izbe-iz tańlawda qatnasadı.

Mámleketlik test orayı xabar xızmeti