Abituriyentlardan tushgan arizalar sonini yo‘nalishlar kesimida "online" ko‘rish mumkin. Buning uchun Davlat test markazi tomonidan yaratilgan qabul.dtm.uz saytiga kirishingiz va oliy ta’lim muassasasi hamda ta’lim tilini tanlashingiz kifoya. 

Bunda tanlagan oliy ta’lim muassasangizdagi yo‘nalishlar bo‘yicha quyidagi ma’lumotlar aks etadi:

- qabul rejasi;

- birinchi yo‘nalish sifatida tanlagan abituriyentlar soni;

- ikkinchi yo‘nalish sifatida tanlagan abituriyentlar soni;

- uchinchi yo‘nalish sifatida tanlagan abituriyentlar soni;

- birinchi yo'nalish sifatida tanlagan abituriyentlar bo‘yicha tanlov ko‘rsatkichi.