Dekabr ayında bolıp ótetuǵın shet tilin biliw dárejesin bahalaw test sınaqları ushın talabanlardı dizimge alıw 28-noyabr kúni juwmaqlanadı.

Test sınaǵında qatnasıwdı qálewshi talabanlar 28-noyabrǵa shekem my.dtm.uz saytı arqalı onlayn dizimnen ótip, tólewdi ámelge asırıwları múmkin.

Sonday-aq, talabanlar 29-noyabrdan 1-dekabrge shekem Mámleketlik test orayı yamasa onıń aymaqlıq bolimlerinen birine shaxsın tastıyıqlawshı hújjet penen barǵan halda barmaq izin tapsırıwları tiyis.

Test sınaqları 15-dekabr kúninen baslap, inglis, nemis, francuz hám arab tillerinen B1, B2 hám C1 tildi biliw dárejeleri boyınsha ótkeriledi.

Tildi biliw dárejesi B2 yamasa onnan joqarı bolǵan sertifikatqa iye abituriyentlerge joqarı oqıw orınlarına kiriwde shet tili páninen imtixanlarsız belgilengen maksimal ball beriledi.

Sonday-aq, oqıw orınları C1 dárejedegi sertifikatqa iye shet tiller oqıtıwshılarına olardıń bazalıq tarif stavkasına salıstırganda hár ay 50 payız múǵdarında qosımsha ústeme haqı tólenedi.

Mámleketlik test orayınıń málimleme xızmeti