2020-jıl 9-iyul kúni saat 16:00 de Ózbekstan Respublikası Prezidenti Administraciyası janındaǵı Xabar hám ǵalaba kommunikaciyalar agentliginde “Karantin dáwirinde bilimlendiriw sistemasındaǵı sheklewler, qabıllaw procesi hám tarawǵa tiyisli basqa ózgerisler”ge arnalǵan brifing ótkerildi.  

Brifingde Joqarı hám orta arnawlı bilimlendiriw ministri I.Majidov, Xalıq bilimlendiriw ministri Sh.Shermatov, Mektepke shekemgi bilimlendiriw ministri A.Shin, Bilimlendiriw sapasın qadaǵalaw mámleketlik inspekciyası baslıǵı U.Tashkenbayev hám Mámleketlik test orayı direktorı M.Karimov qatnastı.  

Ilaj dawamında qatnasqan ǵalaba xabar quralları wákilleri, blogerlerga Mámleketlik test orayı óziniń maǵlıwmatların berdi.

Bıyıl onlayn dizimnen ótip atırǵan abiturientler boyınsha aqırǵı kórsetkishler, test sınawları ótkeriletuǵın 70 imaratta tayarlıq jumısların 20-iyulǵa shekem juwmaqlaw jobalastırılıp atırǵanlıǵı, imtixanlar ádettegi formada, úlken sıyımlıqtaǵı imaratlarda, sanitariya-gigiyenalıq talaplarına qatań ámel etilgen jaǵdayında ótkeriliwi, mámleketlik joqarı bilimlendiriw mekemeleriniń bakalavriat bilimlendiriw baǵdarlarına kiriw imtixanların ótkiziw tártibi ózgermegenligi haqqında xabar berildi.

Birifing juwmaǵında ǴXQ wákilleriniń qızıqtırǵan sorawlarına juwaplar berildi.

Mámleketlik test orayı xabar xızmeti