Fevral ayında bolıp ótetuǵın shet tilin biliw dárejesin bahalaw test sınaqları ushın talabanlardı dizimge alıw 2022-jıl 10-fevral kúni juwmaqlanadı.

Test sınaǵında qatnasıwdı qálewshi talabanlar 10-fevral kúnine shekem my.dtm.uz saytı arqalı onlayn dizimnen ótip, belgilengen tólemdi ámelge asırıwları múmkin.

Sonday-aq, talabanlar 11-fevral kúnine shekem Mámleketlik test orayınıń aymaqlıq bólimlerinen birine shaxsın tastıyıqlawshı hújjeti menen barǵan halda barmaq izlerin tapsırıwı lazım.

Test sınaqları 28-fevral kúninen baslap, inglis, nemis, francuz, ispan, italyan, qıtay, koreys, yapon, túrk, arab, parsı, urdu, pushtu hám dari tillerinen B1, B2 hám C1 tildi biliw dárejeleri boyınsha ótkeriledi.

Tildi biliw dárejesi B2 yamasa onnan joqarı sertifikatlarǵa iye bolǵan abiturientlerge joqarı oqıw orınlarına kiriwde shet tili páninen imtixanlarsız maksimal ball beriledi.

Sonday-aq, oqıw orınlarınıń C1 dárejedegi sertifikatına iye shet tili oqıtıwshılarına olardıń bazalıq tarif stavkasına salıstırǵanda hár ay 50 procent muǵdarında qosımsha ústeme beriledi.