TEST SINOVLARI FORMATI

CHET TILINI BILISH DARAJASI TEST SINOVLARI FORMATI: B1 DARAJASI

B1 darajadagi talabgor:

- ommabop tanish mavzulardagi matnlarda muayyan ma’lumotlar olish uchun o‘qib, tushuna oladi;

- shaxsiy hayot mavzularida qaydlar va xabarlarni yoza oladi;

- shaxsiy qiziqishlar, kundalik hayot mavzularida suhbat qiladi;

- ommabop masalalar boyicha ma’lumot bera oladi va fikrini bildiradi.

B1 daraja imtihoni 3 soat 5 daqaiqa davom etadi va quyidagi bo‘limlardan iborat:

1-bo‘lim: Tinglab tushunish (30 daqiqa / 4 qism / 30 savol)

2-bo‘lim: O‘qish (70 daqiqa / 4 qism / 30 savol)

3-bo‘lim: Yozish (45 daqiqa / 2 topshiriq / 30 ball)

4-bo‘lim: Gapirish (15 daqiqa / 3 qism / 30 ball)

1-bo‘lim: Tinglab tushunish (30 daqiqa / 4 qism / 30 savol)

Tinglab tushunish bo‘limida har bir matn ikki martadan eshittiriladi va matn eshittirilishidan oldin matnga oid savollar bilan tanishib chiqish uchun 30 soniya vaqt beriladi.

1-qism (10 savol)

Matn turi: ommabop tanish mavzularda 10 ta qisqa monologlar, har bir monologning davomiyligi 30 soniya.

Tekshiriladigan ko‘nikmalar: aniq normativ nutqning asosiy ma’nolarini tushunish.

Savollar turi: moslashtirish.

2-qism (6 savol)

Matn turi:: davomiyligi 3 daqiqali ommabop tanish mavzularda dialog.

Tekshiriladigan ko‘nikmalar: muayyan ma’lumotlar olish uchun tushunish va ma’lumotlarni to‘g‘ri yoki noto‘g‘ri ekanligini aniqlay olish.

Savollar turi: yopiq test.

3-qism (6 savol)

Matn turi: davomiyligi 3 daqiqali shaxsiy qiziqish va kasb-hunarga oid sodda tele yoki radio dastur.

Tekshiriladigan ko‘nikmalar: muayyan ma’lumotlar olish uchun tushunish.

Savollar turi: yopiq test.

4-qism (8 savol)

Matn turi: : monolog-prezentatsiya.

Tekshiriladigan ko‘nikmalar: muayyan ma’lumotlar olish uchun tushunish.

Savollar turi: yopiq test.

2-bo‘lim: O‘qish (70 daqiqa/ 4 qism / 30 savol)

1-qism (5 savol)

Matn turi: chet tili muhitida kundalik hayotda uchraydigan qisqa matnlar: e’lon, reklama (3-4 jumla), asbob-uskunalar va qurilmalarni ishlatish bo‘yicha yozma yo‘riqnomalardan parcha (4-5 jumla), xatlar, elektron xatlardan parcha (5-6 jumla), gazeta va internet matnlardan parcha (6-7 jumla).

Tekshiriladigan ko‘nikmalar: chet tilidagi materiallarning umumiy mazmunini tushunish.

Savollar turi: yopiq test.

2-qism (7 savol)

Matn turi: ommabop materiallar - gazeta, jurnal, internet maqolalari.

Tekshiriladigan ko‘nikmalar: gazeta va internet matnlarida tegishli fikrlarni tushunish.

Savollar turi: yopiq test: to‘g‘ri/noto‘g‘ri/berilmagan.

3-qism (8 savol)

Matn turi: ommabop materiallar – qisqa hikoya.

Tekshiriladigan ko‘nikmalar: ommabop matnlarning asosiy fikr va detallarni tushunish.

Savollar turi: yopiq test (savol va 4 ta javob varianti).

4-qism (10 savol)

Matn turi: ommabop materiallar – ensiklopediya yoki internet manbalaridan olingan matn.

Tekshiriladigan ko‘nikmalar: matndagi asosiy fikrni tushunish.

Savollar turi: moslashtirish.

3-bo‘lim: Yozish (45 daqiqa / 2 topshiriq)

Yozma nutq bo‘limining maqsadi:

nomzodning fikrini chet tilida yozma ravishda to‘g‘ri va ravon ifodalay olish qobiliyatini tekshirishdir.

1-topshiriq – shaxsiy yozishmalar. Nomzod berilgan mavzu va tayanch savollar asosida xat yozishi lozim (60-80 so`z/10 ball). Mavzuda muammo ko‘tariladi va xatda nomzodning ushbu muammo yuzasidan nuqtai nazarini bildirishi so‘raladi.

2-topshiriq – shaxsiy tajribaga asoslangan insho yozish (120-140 so`z/20 ball). Nomzod tayanch savollar asosida berilgan mavzuda qisqa insho yozishi kerak.

4-bo‘lim: Gapirish (15 daqiqa / 3 qism / 30 ball)

Og‘zaki nutq bo‘limining maqsadi nomzodning fikrini chet tilida og‘zaki tarzda to‘g‘ri va ravon ifodalay olish qobiliyatini tekshirishdir.

1-qism (1-5 savollar):

shaxsiy qiziqishlarga oid yoki tanish, kundalik mavzularda tayyorgarliksiz suhbat; ommabop masalalar boyicha ma’lumot bera olish va fikrni bildirish. Bunda suhbat tarzida talabgorga kundalik mavzularda, shaxsiy hayotiga oid savollar beriladi va talabgor berilgan savollarga tayyorgarliksiz javob bera olishi lozim.

Bu qism 4 daqiqa davom etadi.

2-qism (6-savol):

Talabgorga berilgan muammoli vaziyat asosida 2 daqiqali monolog tuzishi talab qilinadi. Talabgor nutqi davomida muammoga o‘z yondashuvi (muammoga yechim)ni ifodalashi kerak. Savollar nomzodning shaxsiy hayotiga oid mavzulardan olinishi kerak.

Talabgorga tayyorgarlik uchun 1 daqiqa vaqt beriladi.

3-qism (7-10 savollar):

Talabgorga 2-qism (monolog) mavzusidan kelib chiqqan holda qo`shimcha savollar beriladi. Talabgorga tayyorgarlik uchun vaqt berilmaydi. Og‘zaki nutq bo‘limi ikki nafar imtihon oluvchi tomonidan o‘tkaziladi.

CHET TILINI BILISH DARAJASI TEST SINOVLARI FORMATI: B2 DARAJASI

B2 darajadagi talabgor:

- mavhum va konkret mavzulardagi murakkab matnlarni, shu jumladan mutaxassislikka oid matnlarni tushuna oladi.

- tayyorgarliksiz ravon gapira oladi.

- xorijiylar bilan muloqot qilish jarayonida ikkala tomon uchun ham qiyinchilik tug‘dirmaydigan darajada tez gaplashadi.

- turli mavzularda aniq, batafsil xabarlar tuza oladi.

- muammoga o’z fikrini bildirib, turli fikrlarning afzalliklari va kamchiliklarini ko’rsata oladi.

B2 daraja imtihoni 3 soat 20 daqaiqa davom etadi va quyidagi bo‘limlardan iborat:

1-bo‘lim: Tinglab tushunish (taxminan 35 daqiqa / 4 qism / 30 savol)

2-bo‘lim: O‘qish (1 soat / 3 qism / 30 savol)

3-bo‘lim: Yozish (1 soat / 2 topshiriq)

4-bo‘lim: Gapirish (15 daqiqa / 3 qism / 30 ball)

1-bo‘lim: Tinglab tushunish (taxminan 35 daqiqa / 4 qism / 30 savol)

Tinglab tushunish bo‘limida har bir matn ikki martadan eshittiriladi va matn eshittirilishidan oldin matnga tegishli savollar bilan tanishib chiqish uchun 30 soniya vaqt beriladi.

1-qism (6 savol)

Matn turi: bir-biriga bog‘liq bo‘lmagan qisqa dialoglar, e’lon va xabarlar, radio va tele-reportajlardan parchalar.

Tekshiriladigan ko‘nikmalar: umumiy mazmunni tushunish uchun tinglash.

Savollar turi: yopiq test.

2-qism (8 savol)

Matn turi: dialog(ijtimoiy mavzulrdagi muloqot)

Tekshiriladigan ko‘nikmalar: ayrim ma’lumotlarni olish va tafsilotlarni tushunish uchun tinglash.

Savollar turi: yopiq test.

3-qism (8 savol)

Matn turi: radio- va tele – reportajlar, intervyular.

Tekshiriladigan ko‘nikmalar: radio, internet va televideniye dasturlari, intervyularning aksariyat qismini tushunish.

Savollar turi: yopiq test.

4-qism (8 savol)

Matn turi: ma’ruzalar, bayonotlar, taqdimotlar, munozaralar hamda ilmiy va ixtisoslikka oid boshqa turdagi nutqlar.

Tekshiriladigan ko‘nikmalar: keng kolamli nutq va murakkab fikrlar bayonini kuzatib tushunish, ilmiy va ixtisoslik taqdimotlari mohiyatini tushunish.

Savollar turi: yopiq test.

2-bo‘lim: O‘qish (1 soat / 3 qism / 30 savol)

1-qism (10 savol)

Matn turi: zamonaviy badiiy matndan parcha (matn hajmi - taxminan 800 so‘z).

Tekshiriladigan ko‘nikmalar: chet tilidagi autentik matnning tafsilotlarini tushunish.

Savollar turi: yopiq test.

2-qism (10 savol)

Matn turi: murakkab ommabop materiallar - gazeta, jurnal, Internet maqolalari (matn hajmi - taxminan 800 so‘z).

Tekshiriladigan ko‘nikmalar: kattaroq hajmdagi maqolalardan tegishli ma’lumotlarni ajrata olish.

Savollar turi: yopiq test; gapni tugallash.

3-qism (10 savol)

Matn turi: murakkab ilmiy-ommabop materiallar – kasbiy sohalarga oid kattaroq hajmdagi maqola va ma’ruzalar (matn hajmi - taxminan 800 so‘z).

Tekshiriladigan ko‘nikmalar: chet tilidagi murakkab matnlarning tafsilotlarini tushunish va tegishli matnlarni ajrata olish, tanish va notanish mavzulardagi matnlarning ayrim jihatlarini tushunish.

Savollar turi: yopiq test (to‘g‘ri/noto‘g‘ri/berilmagan); moslashtirish.

3-bo‘lim: Yozish (1 soat / 2 topshiriq)

1-topshiriq: berilgan vaziyat va tayanch savollar asosida rasmiy xat yozish (150 so‘z / 10 ball).

2-topshiriq: berilgan muammoli mavzu yuzasidan esse yozish (250 so‘z / 20 ball).

4-bo‘lim: Gapirish (15 daqiqa / 3 qism / 30 ball)

1-qism: kundalik va mavhum mavzularda savol-javob.

2-qism: berilgan mavzu bo‘yicha taqdimot qilish, fikr bildirish va asoslash.

3-qism: maqolani umumlashtirish, xulosa qilish, berilgan mavzuga oid qarash yoki fikrlarni rivojhlantirish, misollar keltirish orqali dalillash.

CHET TILINI BILISH DARAJASI TEST SINOVLARI FORMATI: C1 DARAJASI

Mazkur test topshiriqlari formatining maqsadi chet tilini bilishning C1 darajasini aniqlash uchun qo‘llaniladigan test variantlari tarkibi va unga qo‘yiladigan talablarni belgilashdan iborat.

Mazkur hujjatga aprobatsiyalar natijasida qo‘shimchalar, o‘zgartirishlar va tuzatishlar kiritilishi mumkin.

C1 darajadagi talabgor:

- katta hajmdagi murakkab matnlarni ochiq aytilmagan ma’nolarigacha tushuna oladi.

- tayyorgarliksiz tez gapira oladi va fikrini ifodalash uchun so‘z tanlashda qiyinchilik sezmaydi.

- tilni ijtimoiy, ilmiy va professional muloqot uchun samarali ishlata oladi.

- xorijiylar bilan muloqot qilish jarayonida ikkala tomon uchun ham qiyinchilik tug‘dirmaydigan darajada tez gaplashadi.

- turli mavzularda aniq, batafsil xabarlar tuza oladi.

- murakkab mavzularda aniq, yaxshi strukturalangan matnlar tuza oladi.

C1 daraja imtihoni 3 soat 30 daqaiqa davom etadi va quyidagi bo’limlardan iborat:

1-bo‘lim: Tinglab tushunish (taxminan 40 daqiqa / 5 qism / 30 savol)

2-bo‘lim: O‘qish (1 soat / 3 qism / 30 savol)

3-bo‘lim: Yozish (1 soat 20 daqiqa / 3 topshiriq)

4-bo‘lim: Gapirish (15 daqiqa / 3 qism / 30 ball)

1-bo‘lim: Tinglab tushunish (taxminan 40 daqiqa / 5 qism / 30 savol)

Tinglab tushunish bo‘limida har bir matn bir marta eshittiriladi va matn eshittirilishidan oldin matnga tegishli savollar bilan tanishib chiqish uchun 30 soniya vaqt beriladi.

1-qism (6 savol)

Matn turi: bir-biriga bog‘liq bo‘lmagan qisqa dialoglar, e’lon va xabarlar, radio va tele-reportajlardan parchalar, har bir monologning davomiyligi 30 soniya.

Tekshiriladigan ko‘nikmalar: aniq ma’lumotlarni olish, so’zlovchining munosabati yoki maqsadini tushunish.

Savollar turi: muqobil javobli test topshiriqlari (savol va 3 ta javob varianti).

2-qism (6 savol)

Matn turi: bir-biriga bog‘liq bo‘lmagan qisqa dialoglar, e’lon va xabarlar, radio va tele-reportajlardan parchalar, har bir monologning davomiyligi 30 soniya.

Tekshiriladigan ko‘nikmalar: matnning umumiy mazmunini tushunish.

Savollar turi: moslashtirish (8 ta javob variant, ulardan ikkitasi ortiqcha).

3-qism (4 savol)

Matn turi: bir-biriga bog‘liq bo‘lmagan qisqa dialoglar, e’lon va xabarlar, radio va tele-reportajlardan parchalar, har bir monologning davomiyligi 40 soniya.

Tekshiriladigan ko‘nikmalar: matndagi muayyan ma’lumotlarni tushunish.

Savollar turi: moslashtirish (6 ta javob varianti, ulardan ikkitasi ortiqcha).

4-qism (8 savol)

Matn turi: ommabop tanish mavzularda 4 ta qisqa dialoglar, har bir dialogning davomiyligi 60 soniya. Har bir dialog uchun 2 savol.

Tekshiriladigan ko‘nikmalar: matnni batafsil tushunish, ochiq aytilmagan ma’lumotlarni tushunish.

Savollar turi: muqobil javobli test topshiriqlari (savol va 3 ta javob varianti).

5-qism (6 savol)

Matn turi: davomiyligi 5-6 daqiqali ma’ruza.

Tekshiriladigan ko‘nikmalar: asosiy fikrlarni tushunish, muayyan ma’lumotlar olish uchun tushunish.

Savollar turi: muqobil javobli test topshiriqlari (savol va 3 ta javob varianti).

2-bo‘lim: O‘qish (1 soat / 3 qism / 30 savol)

1-qism (10 savol)

Matn turi: murakkab ommabop materiallar - gazeta, jurnal, Internet maqolalari (matn hajmi - 800 so‘z).

1-6-savollar: Sarlavhalarni moslashtirish (8 ta javob varianti, ulardan ikkitasi ortiqcha)

Tekshiriladigan ko‘nikmalar: matndagi asosiy fikrlarni tushunish

7-10-savollar: Muqobil javobli test topshiriqlari (savol va 4 ta javob varianti)

Tekshiriladigan ko‘nikmalar: aniq ma’lumotlarni, so’z yoki iboralarning matndagi ma’nosini, muallifning maqsadini tushunish

2-qism (6 savol)

Matn turi: ommabop materiallar - gazeta, jurnal, internet maqolalari (matn hajmi - 500 so‘z).

Tekshiriladigan ko‘nikmalar: gaplar o‘rtasidagi mazmuniy bog‘lanishlarni tushunish va yaxlit matn shaklida tasavvur qilish

Savollar turi: moslashtirish (8 ta javob varianti, ulardan ikkitasi ortiqcha)

3-qism (14 savol)

Matn turi: murakkab ilmiy-ommabop materiallar – kasbiy sohalarga oid kattaroq hajmdagi maqola va ma’ruzalar (matn hajmi - 1000 so‘z).

Savollar turi: to‘g‘ri/noto‘g‘ri/berilmagan (5 savol)

Tekshiriladigan ko‘nikmalar: matnning tafsilotlarini tushunish, ochiq aytilmagan ma’lumotlarni tushunish

Savollar turi: Muqobil javobli test topshiriqlari (4 savol va 4 tadan javob varianti)

Tekshiriladigan ko‘nikmalar: aniq ma’lumotlarni tushunish. matnning umumiy mazmunini, muallifning maqsadini tushunish

Savollar turi: moslashtirish (5 savol va 6 ta javob varianti, ulardan bittasi ortiqcha)

Tekshiriladigan ko‘nikmalar: muayyan ma’lumotlarni tushunish

3-bo‘lim: Yozish (1 soat 20 daqiqa / 3 topshiriq)

Yozma nutq bo‘limining maqsadi nomzodning fikrini chet tilida yozma ravishda to‘g‘ri va ravon ifodalay olish qobiliyatini tekshirishdir.

1-topshiriq: berilgan vaziyat va tayanch savollar asosida rasmiy xat yozish (150 so‘z / 10 ball).

2-topshiriq: berilgan muammoli mavzu yuzasidan esse yozish (250 so‘z / 15 ball).

3-topshiriq: berilgan matnning qisqacha mazmunini yozish (100 so‘z / 5 ball)

4-bo‘lim: Gapirish (15 daqiqa / 3 qism / 30 ball)

Og‘zaki nutq bo‘limining maqsadi nomzodning fikrini chet tilida og‘zaki tarzda to‘g‘ri va ravon ifodalay olish qobiliyatini tekshirishdir.

1-qism (1-5 savollar):

2-qism (6-savol):

3-qism (7-10 savollar):

Talabgorga 2-qism (monolog) mavzusidan kelib chiqqan holda qo`shimcha savollar beriladi. Talabgorga tayyorgarlik uchun vaqt berilmaydi.

CHET TILINI BILISH DARAJASINI BAHOLASHNING KO‘P DARAJALI (MULTILEVEL) FORMATI

Mazkur formatning maqsadi chet tilini bilishning B1, B2 va C1 darajalarini aniqlash uchun qo‘llaniladigan test variantlari tarkibi va unga qo‘yiladigan talablarni belgilashdan iborat.

Mazkur hujjatga aprobatsiyalar natijasida qo‘shimchalar, o‘zgartirishlar va tuzatishlar kiritilishi mumkin.

QAMRAB OLINADIGAN BO’LIMLAR

Imtihon 3 soat davom etadi va quyidagi bo‘limlardan iborat:

1-bo‘lim: Tinglab tushunish (45 daqiqa / 6 qism / 35 savol)

2-bo‘lim: O‘qish (60 daqiqa / 5 qism / 35 savol)

3-bo‘lim: Yozma ish (60 daqiqa / 2 topshiriq)

4-bo‘lim: Gapirish (15 daqiqa / 3 qism)

TINGLAB TUSHUNISH BO‘LIMI

Ushbu bo‘limning maqsadi autentik va yarim autentik audiomatnlarning umumiy mazmunini, ulardagi asosiy fikrlar va detallarni tushunishni, aniq ma’lumot olish, ochiq aytilmagan ma’lumotlarni tushunish ko‘nikmalarini tekshirishdir. Tinglab tushunish bo‘limida har bir matn ikki martadan eshittiriladi va matn eshittirilishidan oldin matnga oid savollar bilan tanishib chiqish uchun 15-30 soniya vaqt beriladi. Audiomatnlarning umumiy davomiyligi tahminan 35 daqiqani tashkil etadi. Javob varaqasini to‘ldirish uchun qo‘shimcha 10 daqiqa vaqt belgilanadi.

1-qism (8 savol)

Matn turi: davomiyligi 5-10 soniyali matn, dialogning birinchi qismi.

Tekshiriladigan ko‘nikmalar: nutqning umumiy mazmunini tushunish.

Savollar turi: muqobil javobli test topshiriqlari (savol va 3 ta javob varianti).

2-qism (6 savol)

Matn turi: davomiyligi 2-3 daqiqali ommabop tanish mavzularda monolog.

Tekshiriladigan ko‘nikmalar: muayyan ma’lumotlar olish uchun tushunish.

Savollar turi: bo‘shliqlarni to‘ldirish (bitta so‘z va/yoki raqam).

3-qism (4 savol)

Matn turi: ommabop tanish mavzularda 4 ta qisqa monologlar, har bir monologning davomiyligi 30 soniya.

Tekshiriladigan ko‘nikmalar: nutqning umumiy mazmunini tushunish.

Savollar turi: moslashtirish (6 ta javob variant, ikkitasi ortiqcha).

4-qism (5 savol)

Matn turi: davomiyligi 2-3 daqiqali ommabop tanish mavzularda monolog yoki dialog.

Tekshiriladigan ko‘nikmalar: muayyan ma’lumotlar olish uchun tushunish.

Savollar turi: moslashtirish (8 ta javob variant, uchtasi ortiqcha).

5-qism (6 savol)

Matn turi: ommabop tanish mavzularda 3 ta qisqa dialoglar, har bir dialogning davomiyligi 60 soniya. Har bir dialog uchun 2 savol.

Tekshiriladigan ko‘nikmalar: matnni batafsil tushunish, ochiq aytilmagan ma’lumotlarni tushunish.

Savollar turi: muqobil javobli test topshiriqlari (savol va 3 ta javob varianti).

6-qism (6 savol)

Matn turi: davomiyligi 3 daqiqali ma’ruza.

Tekshiriladigan ko‘nikmalar: muayyan ma’lumotlar olish uchun tushunish.

Savollar turi: bo‘shliqlarni to‘ldirish (bitta so‘z va/yoki raqam).

O‘QISH BO‘LIMI

Ushbu bo‘limning maqsadi ommabop, ilmiy-ommabop hamda ilmiy matnlarning umumiy mazmunini, ulardagi asosiy fikrlar va detallarni tushunishni, aniq ma’lumot olish, ochiq aytilmagan ma’lumotlarni tushunish ko‘nikmalarini tekshirishdir. Ushbu bo‘lim uchun ajratilgan vaqt javob vaqarasini to‘ldirish bilan birga 60 daqiqani tashkil etadi.

1-qism (6 savol)

Matn turi: ommabop materiallar - gazeta, jurnal, internet maqolalari (matn hajmi - 150 so‘z)..

Tekshiriladigan ko‘nikmalar: gaplar o‘rtasidagi mazmuniy bog‘lanishlarni tushunish va yaxlit matn shaklida tasavvur qilish.

Savollar turi: bo‘shliqlarni to‘ldirish (bitta so‘z).

2-qism (8 savol)

Matn turi: 8 ta gazeta, jurnal, internet reklama matnlari (matn hajmi - 300 so‘z).

Tekshiriladigan ko‘nikmalar: muayyan ma’lumot olish uchun o‘qish.

Savollar turi: moslashtirish (10 ta javob variant, ikkitasi ortiqcha).

3-qism (6 savol)

Matn turi: ommabop materiallar - gazeta, jurnal, internet maqolalari (matn hajmi - 600 so‘z).

Tekshiriladigan ko‘nikmalar: ommabop matnlardagi asosiy fikrlarni tushunish.

Savollar turi: sarlavhalarni paragraflarga moslashtirish (8 ta javob variant, ikkitasi ortiqcha).

4-qism (9 savol)

Matn turi: ommabop materiallar – gazeta, jurnal, internet maqolalari (matn hajmi - 600 so‘z).

Tekshiriladigan ko‘nikmalar: matnni batafsil tushunish, matndagi aniq detallarni va ochiq aytilmagan ma’lumotlarni tushunish.

Savollar turi: 21-24-savollar – muqobil javobli test topshiriqlari (savol va 4 ta javob varianti).

Savollar turi: 25-29-savollar – to‘g‘ri/noto‘g‘ri/berilmagan.

5-qism (6 savol)

Matn turi: ommabop materiallar – gazeta, jurnal, internet maqolalari (matn hajmi - 600 so‘z).

Tekshiriladigan ko‘nikmalar: matnni batafsil tushunish, matndagi aniq detallarni va ochiq aytilmagan ma’lumotlarni tushunish.

Savollar turi: 30-33-savollar – bo‘shliqlarni to‘ldirish (bitta so‘z va/yoki raqam).

Savollar turi: 34-35-savollar – muqobil javobli test topshiriqlari (savol va 4 ta javob varianti).

YOZISH BO‘LIMI

Yozma nutq bo‘limining maqsadi nomzodning fikrini chet tilida yozma ravishda to‘g‘ri va ravon ifodalay olish qobiliyatini tekshirishdir. Ushbu bo‘lim ikkita topshiriqdan iborat bo‘lib, ajratilgan vaqt javob vaqarasini to‘ldirish bilan birga 60 daqiqani tashkil etadi.

1-topshiriq: berilgan vaziyat va tayanch savollar asosida rasmiy xat yozish (150 so‘z).

2-topshiriq: : berilgan muammoli mavzu yuzasidan esse yozish (250 so‘z).

GAPIRISH BO‘LIMI

Og‘zaki nutq bo‘limining maqsadi nomzodning fikrini chet tilida og‘zaki tarzda to‘g‘ri va ravon ifodalay olish qobiliyatini tekshirishdir. Ushbu bo‘lim uchun ajratilgan vaqt 15 daqiqani tashkil etadi.

1-qism (1-6 savollar):

2-qism (7-savol):

3-qism (8-12 savollar):

Talabgorga 2-qism (monolog) mavzusidan kelib chiqqan holda qo`shimcha savollar beriladi. Talabgorga tayyorgarlik uchun vaqt berilmaydi.