Janajan watanımızdıń awır júgin jeńillestirip atırǵan jaslarımızdıń bilim hám bilim alıw maydanında jáwlan urıp atırǵanlıǵı, ele jas bolıwına qaramastan, qáwetersiz júdá juwapkershilikli wazıypalardı qollarına alıp atırǵanlıǵı keleshegimiz isenimli qollarda ekenliginen derek beredi.

Bul álbette elimizde jaslarımızǵa bolǵan mehir hám itibar, olar ushın hár tarawda keń jol ashılǵanlıǵı, qollap-quwatlaw joqarı dárejede bolǵanlıǵınıń jemisi.

Hámmege belgili, joqarı bilim alıwshı jaslarımız sanı jıldan-jılǵa artıp barmaqta. Olardıń joqarı oqıw orınlarında bilim alıwı ushın házirgi kúnge shekem ámeliyatta bolmaǵan imtiyazlı inkaniyatlar jaratılmaqta.

Ótip atırǵan jılda elimizde dawam etip atırǵan qıyınshılıqlarǵa qaramay, joqarı oqıw orınlarınıń bakalavriatına oqıwǵa kiriw boyınsha birqansha jeńillikler jolǵa qoyıldı, ápiwayılastırıldı. Abiturientlerimiz búgin uzaq yáki jaqın wálayatlarǵa barmay, hátteki úyden shıqpay  kóp talaplardı orınlap kelmekte. Máselen, 30-iyun kúni saat 18:00 ge shekem test sınawında qatnasıw maqsetinde  jaslardan jámi 286115i onlayn dizimnen ótti.

Búgingi sheklewlerge qaramay, Jaslar kúni bayramına baylanıslı, raspublikamızdıń barlıq jerlerinde jaslarımızdı qutlıqlawshı kesheler shólkemlestirilmekte.

Usı múnásibet penen Mámleketlik test orayı jámááti atınan olardıń háreketleri tabıslı juwmaqlanıwın, bárshe jaslarımızdıń ullı maqsetleriniń ámelge asıwın tileymen! Keleshekte jaslarımız elimiz kútkenindey joqarı mánawiyatlı, bilimli hám qábilietli insan sıpatında jáhánge dańq taratıp júriwlerine isenemiz.

Áziz jaslar, bársheńizge densawlıq, jetiskenlik, bálent párwazlar yar bolsın!

Mámleketlik test orayı direktorı Májid Karimov