Mámleketlik test orayı hákimshiligi tárepinen 2021-jıldıń 1-yarımı ushın belgilengen kóshpeli qabıllawlar ótkeriw jobasına muwapıq Qaraqalpaqstan Respublikası hám wálayatlarda Oray iskerligine tiyisli máseleler boyınsha fizikalıq hám yuridikalıq shaxslardıń múrájatların kórip shıǵıw maqsetinde kóshpeli qabıllawlar shólkemlestiriw dawam etpekte.
Náwbettegi kóshpeli qabıllaw Mámleketlik test orayı direktorı orınbasarı Batirov Sherzod Negmuratovich tárepinen Surxandárya wálayatı Shorchi rayonında 200 den ziyat oqıwshılar, mektep direktor orınbasarları hám de máhálle belsendileri qatnasında bolıp ótti.
Bul kóshpeli qabıllaw Mámleketlik test orayınıń Surxandárya wálayatı bólimi tárepinen Xalıq bilimlendiriw basqarması baslaǵı Hamidova Suluv Yangiboyevna hám Shorchi rayonı Xalıq bilimlendiriw bólimi baslıǵı Xurramov Zikirali Ismatullayevich penen birgelikte ótkerildi.
Jaslar, pitkeriwshi oqıwshılar, oqıtıwshılar, ata-analar hám juwaplı shaxslar qatnasqan bul qabıllawlar Prezidentimizdiń tarawǵa tiyisli qararları, pármanları, Oliy Májilis deputatları hám xalıqqa múrájatnaması, “Jaslardı qollap-quwatlaw hám xalıq salamatlıǵın bekkemlew jılı”nda qabıllanǵan Mámleketlik baǵdarlamasınan kelip shıqqan halda kiriw test sınaqlarına tiyisli eń sońǵı jańalıqlar, kútilip atırǵan ózgerisler, test sınaǵı barısın ápiwayılastırıw, test tapsırıwshılar ushın jáne de keńirek imkaniyat, qolaylılıqlarǵa tiykarlanǵan shárt-sharayatlar jaratıw, logikalıq pikirlewge baǵdarlanǵan test tapsırmalarınan keńirek paydalanıw, ulıwma bilimlendiriw pánlerinen milliy test sistemasın engiziw, sonday-aq, Mámleketlik test orayı iskerligin tártipke salıwshı normativ-huqıqıy hújjetler, qararlar joybarları sholıwı, mánis-mazmunına arnaldı.
Ilaj dawamında úlken qızıǵıwshılıq penen qatnasqan oqıwshılar, oqıtıwshılar, ata-analar, juwaplı shaxslar hám basqalardıń sorawlarına tolıq juwap berildi.
Sonday-aq, sol kúni Mámleketlik test orayı tárepinen ótkerilgen diagnostikalıq test sınaqlarında eń joqarı nátiyje kórsetip, tańlaw jeńimpazına aylanǵan Surxandárya wálayatı Shorchi rayonındaǵı 13-sanlı ayırım pánler tereńlestirilip úyreniletuǵın mektep internatı oqıwshısı Boriyeva Navrozaxon Abduǵaffor qızı mobil telefon hám basqa estelik sawǵalar menen sıylıqlandı.
Mámleketlik test orayı xabar xızmeti
