Tarawǵa tiyisli mashqalalardı ornında úyreniw, sheshiw hám de zárúr másláhát, jol-jobalar kórsetiw maqsetinde Bilimdi bahalaw agentligi tárepinen kóshpeli qabıllawlar shólkemlestirilip atır.
Náwbettegi kóshpeli qabıllawlar 2024-jıl 20-dekabr kúni Bilimdi bahalaw agentligi juwapkerleri A.Haytov, Z.Shakarov, A.Baratovlar tárepinen Qashqadárya, Xorezm hám Nawayı wálayatlarında ótkerildi.
Usı ilajlar wálayatlardaǵı Prezident xalıq qabıllawxanalarında xalıq wákilleri, jaslar, mektep pitkeriwshileri hám olardıń ata-anaları ushın shólkemlestirildi.
Kóshpeli qabıllawlar dawamında Bilimdi bahalaw agentligi iskerligine tiyisli máseleler menen múrájat etken puqaralar jeke qabıl etilip, kóterilgen máselelerdi sheshiwge jaqınnan járdem berildi.
