Bilim hám mamanlıqlardı bahalaw agentligi direktorı Karimov Madjit Malikovich tárepinen tarawǵa baylanıslı mashqalalardı orınlarda úyreniw, sheshiw maqsetinde gezektegi kóshpeli qabıllaw 2025-jıl 16-aprel kúni Qaraqalpaqstan Respublikasında ótkerildi.

Kóshpeli qabıllaw Bilim hám mamanlıqlardı bahalaw agentligi Qaraqalpaqstan Respublikası bólimi imaratında oqıw orayı basshıları, mektep pitkeriwshileri hám olardıń ata-anaları qatnasıwında shólkemlestirildi.

Kóshpeli qabıllawǵa kelgen puqaralar, oqıw orayı basshıları, oqıwshılar hám abiturientlerdiń múrájatlarına tiyisli tártipte huqıqıy túsinikler berildi. Sonday-aq, olar tárepinen bildirilgen pikir-usınıslar Agentlik tárepinen úyrenip shıǵılatuǵını aytıp ótildi.