Bilim va malakalarni baholash agentligi direktori Karimov Madjit Malikovich tomonidan sohaga oid muammolarni joylarda o‘rganish, hal qilish maqsadida navbatdagi sayyor qabul 2025-yil 16-aprel kuni  Qoraqalpog‘iston Respublikasida o‘tkazildi.

Sayyor qabul Bilim va malakalarni baholash agentligi Qoraqalpog‘iston Respublikasi bo‘limi binosida o‘quv markaz rahbarlari, maktab bitiruvchilari va ularning ota-onalari ishtirokida tashkil etildi.

Sayyor qabulga tashrif buyurgan fuqarolar, o‘quv markaz rahbarlari, o‘quvchilar va abituriyentlarning murojaatlariga tegishli tartibda huquqiy tushuntirishlar berildi. Shuningdek, ular tomonidan bildirilgan taklif va mulohazalar Agentlik tomonidan o'rganib chiqilishi bildirib o‘tildi.