Bizge belgili, Ózbekstan Respublikası Prezidentiniń 2021-jıl 6-iyuldaǵı PQ-5172-sanlı qararı menen Ózbekstan Respublikası Prezidenti grantı engizilgen.

Usı qararǵa muwapıq mámleketlik joqarı oqıw orınları bakalavriatınıń kúndizgi tálim formasına kiriw imtixanları nátiyjeleri boyınsha, tálim baǵdarları kesiminde, qaysı tálim tilinde tálim alıwına qaramastan, respublika boyınsha eń joqarı ball toplaǵan 200 abiturientler Prezident grantına talaban boladı.

Bunda:

• Prezident grantı ushın ajıratılǵan kvotanıń tálim baǵdarları boyınsha bólistiriliwi hár jılı Ózbekstan Respublikası oqıw orınlarına oqıwǵa qabıl etiw boyınsha mámleketlik komissiyası tárepinen tastıyıqlanadı;
• málim bir tálim baǵdarı boyınsha ajıratılǵan Prezident grantı kvotası boyınsha sońǵı orındaǵı abiturient hám onıń menen birdey ball toplaǵan barlıq abiturientler Prezident grantı ushın talaban boladı.

Mámleketlik komissiyasınıń 7-sanlı bayanlamasında 2021-2022-oqıw jılı ushın 25 tálim baǵdarınıń hár birine 8 kvota ajıratılǵan bolıp, ayırım tarawlarda segizinshi hám onnan keyingi orınlardaǵı abiturientlerdiń toplaǵan balları birdey bolǵanlıǵı sebepli jámi 257 abiturient Prezident grantı ushın talaban boldı.

Tálim baǵdarları kesiminde Prezident grantı ushın talabanlar sanı hám ótiw balları menen tómendegi súwrette tanısıwıńız múmkin.

Mámleketlik test orayınıń málimleme xızmeti