Búgin Mámleketlik test orayı direktorı Karimov Madjit Malikovich mekemede xızmet etip atırǵan jaslar menen ushırastı. Ashıq sáwbetlesiwge tiykarlanǵan uhırasıwda jaslar turmısı, sociallıq qorǵaw, ilimiy izertlew jumısların alıp barıw, sport penen shuǵıllanıw sıyaqlı máseleler ashıq-aydın talqılandı.

Jıynalısta atap ótilgenindey, “Jaslardı qollap-quwatlaw hám xalıq salamatlıǵın bekkemlew” jılında jaslarımızdı qollap-quwatlawǵa jáne de keńirek itibar qaratıldı.  Olardıń aldına qoyılıp atırǵan maqset, talap hám usınıs, sonday-aq, umtılıwshań jaslarǵa kómeklesiw, arzıw-úmitlerin ámelge asırıwǵa keń imkaniyatlar ashıwda mámlekettiń anıq baǵdarı belgilep alınǵan. Prezidentimizdiń Jaslar Forumında sóylegen sózi, Ózbekstan Respublikası Oliy Májilis deputatları hám xalıqqa jollaǵan Múrájatnamasında jaslarǵa bolǵan itibardıń joqarı úlgileri atap ótildi.

Ilajda tiykarǵı itibar Mámleketlik test orayı jaslarınıń iskerligin ilimiy izleniw menen birge alıp barıwǵa qaratıldı. Orayda bul máselede jaslar ushın zárúrli shárt-sharayatlar jaratılǵanlıǵı, mekemede jas xızmetkerler 40 payızdı qurasa da, olardıń barlıǵı ilimiy izertlew jumısları menen qamtıp alınǵanlıǵı, pandemiya shárayatında tiyisli jergilikli hám shet el mekemeleri, qánigeleri menen jaqınnan baylanıs ornatılǵanlıǵı Zoom platforması járdeminde shet elli birge islesiwshiler menen jumıslar alıp barılıp atırǵanlıǵı hám bular keyingi jıllarda úlken nátiyje berip atırǵanlıǵı atap ótildi. Sonıń menen birge, aqırǵı úsh jılda oraydıń 4 jas qánigesi ilimiy-izertlew jumısın juwmaqlap, tabıslı qorǵap shıqqanı esletip ótildi.

M.Karimov óz sózinde waqıt tıǵızlıǵına qaramastan jaslardıń ilimiy jumıs penen shuǵıllanıwda waqıt hám shegara bolmaslıǵın ilimiy tiykarda túsindirip, jaslarda házirden turmıs strategiyası bolıwı hám oǵan mudamı ámel etiwi, shaxsta 40 jasqa shekem qızıǵıwshılıq, dóretiwshilik, fantaziya joqarı dárejede bolıwı, ásirese, usınday jasta ilimiy qorǵanın bekkemlep alıwda paydalanıp qalıwǵa shaqırdı.  

Óz náwbetinde Mámleketlik test orayı hákimshiligi jaslardıń óz ústinde islewi ushın hár tárepleme shárt-sharayatlar jaratıp beriwge tayar ekenligin bildirdi.

 Ilaj qızǵın pikir alısıwlar, soraw-juwaplar tiykarında ótti. Qatnasıwshılar tárepinen bildirilgen pikir hám usınıslardı úyrenip shıǵıw belgilendi. Basshı menen jaslar ortasında bunday ushırasıwlardı hár ayda dawam ettiriwge kelisip alındi.

Mámleketlik test orayı xabar xızmeti