Mámleketlik test orayınıń direktorı orınbasarı Radjabov Sardor Baxtiyarovich 2021-jıl 2-dekabr kúni aymaqlarda puqaralar, ata-analar, pitkeriwshi klass oqıwshıları menen úshırasıw, mashqalalar hám usınıslardı úyreniw, tarawda ámelge asırılıp atırǵan reformalar hám jańalıqlar menen tanıstırıw maqsetinde Samarqand wálayatında bolıp, kóshpeli qabıllawlar ótkerdi.

Kóshpeli qabıllawlar Ózbekstan Respublikası Prezidentiniń Samarqand wálayatındaǵı Xalıq qabıllawxanası, Samarqand qalasındaǵı 9-sanlı qánigelestirilgen mámleketlik ulıwma bilim beriw mektebi hám Samarqand rayonı “Oqmachit” MPJdagı 21-sanlı ulıwma bilim beriw mektebinde bolıp ótti. Olarda máhálle wákilleri, pitkeriwshi jaslar, mektep oqıtıwshıları, ata-analar wálayat xalıq bilimlendiriw basqarmaları, oqıw orınlarınıń basshıları qatnastı.

Ilajlar ádettegidey, ashıq sóylesiw tárizinde ótkerilip, múrájatler orınlarda kórip shıǵıldı. Sonday-aq, qatnasıwshılar oqıw orınlarına kiriw test sınaqlarına tiyisli barlıq jańalıqlar hám ózgerisler menen tanıstırıldı.

Test sınaqlarına puxta hám sapalı tayarlıq kóriwi ushın jaratılǵan shárayatlar túsindirildi.

Mámleketlik test orayınıń málimleme xızmeti