2020-jıl  14-fevral kúni Mámleketlik test orayında aldınǵı shet el tájiriybelerden kelip shıǵıp (EGE – Rossiya Federaciyası, SAT – AQSH, GCSE – Ullı Britaniya baǵdarlamaları mısalında), ulıwma bilimlendiriw mekemeleri pitkeriwshileriniń juwmaqlawshı mámleketlik attestaciyası hám de joqarı bilimlendiriw mekemelerine kiriw imtixanların unifikaciya etiw boyınsha usınıslar tayarlawshı arnawlı ekspertler toparınıń náwbettegi jıynalısı bolıp ótti.

Onda Mámleketlik test orayı, Xalıq bilimlendiriw ministrligi hám Bilimlendiriw sapasın qadaǵalaw mámleketlik inspekciyasınan ekspertler qatnastı.

Jıynalısta mektep oqıwshılarınıń juwmaqlawshı mámleketlik attestaciyası hám joqarı bilimlendiriw mekemelerine kiriw imtixanların unifikaciya etiw tártipleri boyınsha pikirlesildi.

Jıynalıs dawamında Mámleketlik test orayınıń bul másele boyınsha usınısları ekspertler toparına berildi hám topar aǵzalarınıń pikir hám usınısları alındı. Sonday-aq, pitkeriwshilerdiń juwmaqlawshı mámleketlik atattestaciyası hám joqarı bilimlendiriw mekemelerine kiriw imtixanlarına baylanıslı shet el tájiriybeleri kórip shıǵıldı.

Mámleketlik test orayı xabar xızmeti