2021-jıl 6-yanvar kúni Mámleketlik test orayında Ózbekstan Respublikası Ministrler Kabinetiniń “Ulıwma bilimlendiriw pánlerin biliw dárejesin bahalawdıń milliy test sistemasın engiziw haqqında” 2020-jıl 12-oktyabrdegi 646-sanlı Qararı hám de Ózbekstan Respublikası Prezidentiniń “Bilim-tárbiya sistemasın jáne de jetilistiriwge tiyisli qosımsha is-ilajlar haqqında” 2020-jıl 6-noyabrdegi PQ-4884-sanlı qararında belgilengen tapsırmalarınıń orınlanıwı boyınsha oqıw seminarları bolıp ótti.  

Oqıw seminarı joqarıda atap ótilgen qararlardıń orınlanıwına qaratılǵan hám tastıyıqlanǵan joba-grafikke muwapıq matematika, ana tili hám ádebiyat pánleri boyınsha test tapsırmaların qáliplestiriw máselelerine arnalǵan bolıp, onda Xalıq bilimlendiriw ministrligi, Bilimlendiriw sapasın qadaǵalaw mámleketlik inspekciyası tárepinen usınıs etilgen ekspertler qatnastı.

Sonday-aq, shınıǵıwlar wálayatlardaǵı ekspertler ushın Zoom baǵdarlaması arqalı onlayn berip barıldı.

Bul ilaj “Ulıwma bilimlendiriw pánlerinen Milliy test sisteması ekspertleri ushın Testologiya hám pedagogikalıq ólshemler boyınsha oqıw shınıǵıwları baǵdarlaması”nıń birinshisi hám 11-yanvarǵa shekem dawam etedi.

Mámleketlik test orayı xabar xızmeti