Ózbekstan Respublikası Prezidenti Sh.M.Mirziyoyev basshılıǵında 2020-jıl 31-yanvar kúni ilim-pándi rawajlandırıwǵa arnalǵan jıynalısı hám geologiya tarawındaǵı ilimiy-izertlew mekemelerine saparı dawamında berilgen tapsırmalar boyınsha 2020-jıl 14-fevral kúni Mámleketlik test orayında jıynalıs bolıp ótti.

Onda Mámleketlik test orayı, Ózbekstan Respublikası Ilimler akademiyası Matematika institutı, Innovaciyalıq rawajlanıw ministrligi, Xalıq bilimlendiriw ministrligi hám Joqarı hám orta arnawlı bilimlendiriw ministrligi qánigeleri qatnastı.

Jıynalısta matematika páninen bilimlerdi bahalaw boyınsha milliy sertifikatlastırıw sistemasın engiziw máselesi sóz etildi.

Jıynalıs dawamında Matematika institutı, Innovaciyalıq rawajlanıw ministrligi, Xalıq bilimlendiriw ministrligi hám Ózbekstan milliy universiteti qánigeleriniń matematika páninen bilimlerdi bahalaw boyınsha milliy sertifikatlastırıw sistemasın engiziwge baylanıslı usınıslar tıńlandı.

Jıynalıs juwmaǵında bul máseleni dáwirlik tárizde pikirlesip barıwǵa kelisip alındı.

Mámleketlik test orayı xabar xızmeti