Búgin, 18-iyun kúni Mámleketlik test orayında Oliy Majlis Nızamshılıq palatası deputatı, Ózbekstan xalıq shayırı Iqbol Mirzo qatnasıwında “Ǵárezsizlik – huqıq, imkaniyat hám parız demekdur” dep atalǵan ruwxıy-aǵartıwshılıq ilajı bolıp ótti.

Ózbekstan Respublikası ǵárezsizliginiń 30 jıllıǵı sheńberinde shólkemlestirilgen ilajda sózge shıqqan Iqbol Mirzo dáslep mámleketimizdiń ekonomikalıq hám social-siyasiy turmısında ámelge asırılıp atırǵan búgingi reformalar, úshinshi renessanstıń túpkilikli mánisi hám eldiń rawajlanıwında bir basqısh bolıwı, nızamshılıǵımızdıń jetilisip hám de milliy hám xalıqaralıq normalardıń ózlestiriliwi nátiyjesinde globallasıp baratırǵanlıǵı, xalqımızdıń huqıqıy sana hám huqıqıy mádeniyatı joqarılap atırǵanlıǵı, usı jılı elimizde belgilengen siyasiy ilajlar, sonday-aq mámleketlik til máseleleri haqqında tolıq maǵlıwmatlar berdi.

Ashıq pikirlesiw túrinde ótken ilajda Iqbol Mirzo óziniń dóretiwshilik úlgilerinen de oqıp berdi. Bazıbir kólemli prozalıq dóretpelerdiń dúnyaǵa keliwi barısı menen de ortaqlastı.  

Qızıqlı ótken ushırasıw dawamında qatnasıwshılar tárepinen berilgen sorawlarǵa tolıq hám mısallar tiykarında juwap berdi.

Dóretiwshi Mámleketlik test orayı iskerligi, alda turǵan áhmiyetli máselelerge toqtalıp, bul jaslarımız turmısında olardı jetik hám básekige shıdamlı kadr bolıp jetilisiwinde áhmiyetli orın tutıwın atap ótip, bunda islewshilerdiń jumıslarına tabıslar tiledi.

Mámleketlik test orayı xabar xızmeti