2021-jıl 18-mart kúni Mámleketlik test orayında Ózbekstan Respublikası Korrupciyaǵa qarsı gúresiw agentligi menen birgelikte “Korrupciya – ádalat hám jámiyet dushpanı” atamasında dóńgelek stol átirapındaǵı sáwbetlesiw shólkemlestirildi.

Onda Korrupciyaǵa qarsı gúresiw agentligi wákili Obidjon Latipov Ózbekstan Respublikasında korrupciyanıń aldın alıw hám oǵan qarsı gúresiw siyasatı, Korrupciyaǵa qarsı gúresiw agentliginiń házirgi iskerligi hám jaqın keleshektegi wazıypaları, korrupciyaǵa qarsı «komplayens-qadaǵalawı» (Compliance control) sisteması hám korrupciyanıń aldın alıw boyınsha ámelge asırılıp atırǵan isler haqqındaǵı prezentaciyası menen qatnastı.

Mámleketlik test orayı bas basqarma baslıǵı Farhod Mirzayev korrupciyanıń mámleketke hám jámiyetke tásiri haqqında pikir júritip, Mámleketlik test orayında korrupciyaǵa qarsı gúresiw hám onıń aldın alıw boyınsha alıp barılıp atırǵan isler haqqında maǵlıwmat berdi.

Bunnan soń dóńgelek stol átirapındaǵı sáwbet soraw-juwap tárizinde dawam ettirilip, qatnasıwshılar ózlerin qızıqtırǵan sorawlarına tolıq juwaplar aldı.

Mámleketlik test orayı xabar xızmeti