Mámleketlik test orayına kolledj hám texnikumlarǵa kiriw test sınaqları qashan ótkeriliwi boyınsha kóplep múrájatler kelip túspekte.

Bul boyınsha tómendegilerdi málim etemiz:

• Kolledj hám texnikumlar ushın abiturientlerdi dizimge alıw Mámleketlik test orayı tárepinen emes, Joqarı hám orta arnawlı bilimlendiriw ministrligi tárepinen kollej.edu.uz  hám texnikum.edu.uz saytları arqalı ámelge asırıldı.
• Test sınaqları Joqarı hám orta arnawlı bilimlendiriw ministrligi tárepinen dizimnen ótken abiturientlerdiń maǵlıwmatları Mámleketlik test orayına berilgennen soń Ózbekstan Respublikası oqıw orınlarına qabıl qılıw boyınsha mámleketlik komissiyası tárepinen belgilengen múddetlerde ótkeriledi.
• Bunda test materialları Joqarı hám orta arnawlı bilimlendiriw ministrligi  tárepinen usınılǵan maǵlıwmatlar tiykarında tayarlanadı hám test sınaqları Mámleketlik komissiya tárepinen belgilengen orınlarda ótkeriledi.

Mámleketlik test orayınıń málimleme xızmeti